Kul die winter met Hartenberg se sielvolle kos

Met die winter wat sy yskoue greep op alles en almal versterk, nooi die Hartenberg-wynlandgoed buite Stellenbosch alle kos- en wynliefhebbers uit om die snerpende koue te kul met smaaklike en heilsame kos en uitmuntende wyn in die geselskap van ’n gesellige kaggelvuur.

Nuy Wynkelder Muskadel – die erfenis leef voort

Erfenis word soms op die vreemdste plekke gevind - die plaashuis op die bult, die standbeeld in die middedorp, die klere wat ons aantrek, die kos wat ons eet of die wyn wat ons drink.

Nuy Wynkelder, geleë tussen Worcester en Robertson op die R60, het deur die jare bekendheid verwerf vir hul bekroonde muskadelwyne en wil dit dié erfenismaand op die beste moontlike manier vier, met ‘n houtkis uitgesoekte Nuy Wynkelder-muskadelwyne met oes-intervalle van vyf jaar wat strek vanaf 1991 tot 2016.

Dié gesogde kis Nuy-muskadelwyne bestaan uit vyf rooi muskadelle met oesjare 1991, 1996, 2001, 2011 en 2016, en ‘n 2006 wit muskadel wat die reeks afrond.

Slegs 15 van hierdie kiste word September beskikbaar gestel teen R1500.00 per kis, elk handverpak in ‘n houtkissie spesiaal ontwerp vir die geleentheid.

Binne in die kis sal die volgende gegrafeer staan:

“Nuy have been producing Muscadel since 1963.

This collection is in honour of the legacy of Nuy Muscadel.

The six wines is a true reflection of the numerous award

winning Nuy Muscadel wines“ - Christo Pienaar, Cellar master.

Sedert die ontstaan van Nuy Wynkelder was daar slegs drie keldermeesters, naamlik CP le Roux (1964-1971), Wilhelm Linde (1971-2003) en Christo Pienaar (sedert 2003). Die drie vroeër oesjare in die kis is deur bekroonde keldermeester, Wilhelm Linde gemaak en die laaste drie deur die huidige keldermeester, Christo Pienaar.

Om die kis te bestel, kontak Amelia Truter by die Nuy Wynkelder proelokaal by 023 347 0272 of epos haar by This email address is being protected from spambots. You need JavaScript enabled to view it.

Shiraz SA Toekennings 2017 uitslae

ʼn Dosyn voortreflike Shiraz wyne en drie indrukwekkende Shiraz versnitte het die kollig gehaal tydens die vyfde jaarlikse Shiraz Challenge toekenningseremonie gehou op 31 Mei by die Rhebokskloof Wynlandgoed in Paarl. Shiraz-liefhebbers kan met ʼn geruste hart hul visier stel op hierdie uitskieters wanneer hul weer voor die oormag van wyne op die rak van enige winkel te staan kom.

Opwinding kraai koning by Steenberg oor die 2017 druiwe-oes

Terwyl die druiwe-oes al in volle vaart in die warmer gebiede is, begin die plase in Constantia stadig maar seker momentum optel.

Die druiwe-oes het vanjaar met mening by Steenberg Vineyards afgeskop, terwyl groot opgewondenheid heers oor die nuwe belowende broeisels in die kelder.

4th Street is wêreld se vinnigste groeiende wynhandelsmerk

’n Onafhanklike verslag wat  International Wine and Spirit Research (IWSR) aan die einde van 2016 bekend gemaak het, toon dat die Suid-Afrikaanse wynhandelsmerk 4th Street wêreldwyd as die voorste groei-handelsmerk beskou word, en dat dit algeheel die 29ste plek ter wêreld beklee.

Sukses van Cape Wine Auction berus in veel meer as net ’n makietie

’n Mens sou dink die Cape Wine Auction is so aanloklik omdat jy kan kuier met gegoede en suksesvolle internasionale en plaaslike mense wat vir die veiling van ver gereis het om te bie op seldsame en eksklusiewe wyne asook unieke ervarings. Maar gaste wat mildelik geld gee, gee vir ’n universeel goeie doel – om ’n wesenlike verskil te maak met opvoeding en in die lewens van kinders in die Kaapse Wynlande.

(function(i,s,o,g,r,a,m){i['GoogleAnalyticsObject']=r;i[r]=i[r]||function(){ (i[r].q=i[r].q||[]).push(arguments)},i[r].l=1*new Date();a=s.createElement(o), m=s.getElementsByTagName(o)[0];a.async=1;a.src=g;m.parentNode.insertBefore(a,m) })(window,document,'script','https://www.google-analytics.com/analytics.js','ga'); ga('create', 'UA-61966984-1', 'auto'); ga('send', 'pageview');